Ljósmyndamósaík: heilt myndasafn, eitt listaverk.

Hvaða myndir henta í mósaík

Aðalmyndin — sú sem mósaíkið myndar þegar horft er úr fjarlægð — virkar best ef hún er einföld og auðþekkjanleg: andlit, tveir á mynd, gæludýr, hús, kennileiti eða merki. Myndir með mörgum smáatriðum eða lágum kontrasti drukkna í flísunum.

Myndasafnið er flísarnar. Minnst þarf 10 myndir, en 30 eða fleiri gefa fjölbreyttari tóna og betra verk, og hundrað eða fleiri er enn betra. Blandaðar myndir — ljósar og dökkar, nærmyndir og landslag — gefa vélinni meira úr að moða en fimmtíu myndir úr sömu veislunni. Hver flís er sýnileg nálægt, svo veldu myndir sem þú vilt sjá upp á vegg.

Mósaíkmynd er gjöf sem segir sögu: brúðkaup úr myndum gestanna, stórafmæli úr myndum ævinnar, fyrsta ár barnsins, ferðalagið eða minningarmynd um einhvern sem er farinn. Þú sérð sýnishorn með vatnsmerki áður en þú pantar og getur byrjað upp á nýtt eins oft og þú vilt.

Mósaík, klippimynd eða ein mynd?

Fimm leiðir upp á vegg — hver með sínum kostum.

Ljósmyndamósaík

Heilt myndasafn sett saman í eina mynd; hver flís er ljósmynd. Á striga eða innrammað. Það er þessi síða.

Klippimynd

Tvær til sextán myndir í einum ramma, í reitum eða dreift eins og polaroid-myndir — þegar myndirnar eiga að sjást hver fyrir sig. Skoða klippimynd.

Strigamynd

Ein mynd á striga, strekkt á blindramma. Skoða strigaprentun.

Innrömmun eða pappír

Ein ljósmynd í ramma með kartoni — innrammaðar myndir — eða ljósmyndaprentun á pappír skorin eftir máli í þinn eigin ramma.

Svona verður mósaíkið til

Vélin okkar greinir aðalmyndina og velur flís úr safninu þínu fyrir hvern reit eftir lit og tónum, þannig að aðalmyndin sést skýrt úr fjarlægð en hver flís nálægt. Lokaútgáfan er prentuð í fullri upplausn í Reykjavík — á striga strekktan á blindramma, eða á pappír og römmuð inn — og send með Dropp á afhendingarstað að þínu vali. Reiknaðu með 3–6 virkum dögum frá pöntun.